विद्यालय सम्बन्धी जानकारीः स्थापना वर्षः २०२९/०५/१७
स्थानः त्रिभूवनबस्ती गा.वि.स. वडा नं. ४ जनकबस्ती, कञ्चनपुर (साविक)
पुनर्वास नगरपालिका वडा नं. ४, जनकबस्ती, कञ्चनपुर (हाल)
इतिहासः वि.सं.२०२९ भाद्र १७ गते पुनर्वास क्षेत्रमा बसोबास गराइएका विभिन्न गाउँहरुमा विद्यालय खोल्ने लहरसँगै यस गाउँका अग्रज व्यक्तित्वहरुबाट आðना बालबालिकाहरुको सुनौलो भविष्यको सुनिश्चितताको लागि शिक्षाको आवश्यकता महसुस गरी त्यसको प्राप्तिका लागि विद्यालय खोल्नु पर्ने दुरगामी सोचका साथ दुर्गा प्राथमिक विद्यालय नामङ्करण गरी एउटा खुल्ला चौरमा केही बालबालिकाहरु संकलन गरी विद्यालय स्थापना गरिएको थियो । प्रारम्भिक चरणमा विद्यालय स्थापना गर्दा कक्षा १ मा केही बालबालिका संकलन गरी खुल्ला चौरमा कक्षा संचालन गरेता पनि यस क्षेत्रका अगुवा समाजसेवी एवम् बुघिजिवीहरु मध्ये स्वार्गिय विष्णु प्रसाद बास्तोला, कोमल अधिकारी, जंग बहादुर सुनार , ऋषिराम रेग्मी लगाएतका समाजसेवीहरुको अथक प्रयासवाट वि.सं. २०३० सालमा १–३ सम्मको कक्षा संचालन अनुमति प्राप्त गर्न सफल भईयो । विद्यालयलाई समयक्रससँगै थप स्त्तरोन्नति गराउँदै लैजाने सोचका साथ यहाँका समाजसेवी, बुद्धिजिवी एवम् अग्रज ज्यूहरुवाट वि.सं. २०४० सालमा कक्षा १ देखि ५ वि.सं.२०५१ सालमा कक्षा १ – ८ र वि.सं. २०५३ सालमा निम्न माध्यमिक विद्यालयको स्थायी स्वीकृति प्राप्त गर्न सफल भएको देखिन्छ । यसै गरी वि.सं. २०६० सालमा माध्यमिक तहको कक्षा संचालन अनुमति प्राप्त गरी वि.सं.२०६१ सालवाट एस.एल.सी. परीक्षामा संम्मिलित भई आएको देखिन्छ । माध्यमिक विद्यालयको स्वीकृति पश्चात यस विदालयलाई अग्रगति दिन यस क्षेत्रका अभिभावक शिक्षक बुद्धिजिवी एवम् राजनैतिक दलहरुको अथक प्रयासवाट वि.सं. २०६६ सालमा तत्कालिन उच्च माध्यमिक शिक्षा परिषदवाट कक्षा संचालन अनुमति प्राप्त गरी कक्षा ११ र वि.सं.२०६७ सालमा कक्षा १२ संचालन गरी हाल सम्म निरन्त्तर रुपमा कक्षा ११÷१२ शिक्षा मानविकी एवम् बाणिज्य संकायका कक्षाहरु संचालन भई आइरहेका छन् ।
- उत्कृष्ट शैक्षिक अनुभव प्रदान गरी जीवनका विभिन्न क्षेत्रमा सफलता प्राप्त गर्न मद्दत पुर्याउनु
- समाजमा सकारात्मक योगदान पुर्याउने नागरिक तयार पार्नु
- समाजका लागि उत्तरदायित्वपूर्ण र परोपकारी नागरिक बन्ने शिक्षा प्रदान गर्नु ।
विद्यालय उमेरका सबै बालबालिकाहरुलाई गुणस्तरीय शिक्षा प्रदान गर्न र बालकेन्द्रित रचनात्मक सिकाइ मार्फत उच्चतम सिकाइ उपलब्धि सुनिश्चित गर्न बालमैत्री विद्यालय वातावरण सिर्जना गरी यस विद्यालयलाई उत्कृष्ट थलोका रुपमा विकास गर्नु ।
- विद्यालय वातावरणलाई पारिवारिक, सुरक्षित एवम् बालमैत्री बनाउने
- औसत सिकाइ उपलब्धि वृद्धि गर्ने
- विद्यार्थी केन्द्रित सिकाइ वातावरण सिर्जना गर्ने
- विद्यालयका शैक्षणिक क्रियाकलापहरुमा अभिभावकहरुको संलग्नता बढाउने
- विद्यार्थिलाई शैक्षिक, सामाजिक र व्यक्तिगत दृष्टिकोणले सशक्त बनाउने ।
